यिनै हुन् कोरोनाको भ्रामक अडियो बनाएर अफवाह फैलाउने विवेक थापामगर, बयानमा भने– ‘फेसबूक पेजमा लाइक बढाउन कोरोनाको अडियो बनाएँ’

काठमाडौं, ८ चैत । कोरोना भाइरसको सं’क्रमणको एक व्यक्तिको मृ’त्यु भएको भन्दै झुटो प्रचार गरेको अ’भियोगमा एक युवक पक्राउ परेका छन् ।

पक्राउ पर्नेमा रामेछाप घर भई भक्तपुरको सिपाडोल बस्ने २० वर्षका विवेक थापा मगर रहेका छन् । उनलाई नेपाल प्रहरीको साइबर ब्यूरोले शनिबार दिउँसो पक्राउ गरेको हो ।

उनले कोरोनाका कारण एक नेपालीको मृ’त्यु भएको तर अस्पतालले घटना लुकाएको भन्दै सामाजिक सञ्जालमा अडियो सन्देश पोष्ट गरेका थिए ।

उनले नर्भिक अस्पतालमा पनि ९ जना कोरोना सं’क्रमित बिरामी भएको प्रचार गरेका थिए । यस बारेमा आजै नर्भिकले बिज्ञप्ति जारी गर्दै यो झुटो प्रचार भएको र यस्तो अफवाह फैलाउनेलाई कारवाही गर्न माग गरेको थियो ।

यसैबीच पक्राउ परेका मगरले प्रहरीसंगको बयानका क्रममा आफ्नो फेसबूक पेजमा रिच तथा लाइक बढाउन उक्त अडियो बनाएको बताएका छन् ।

उनले उक्त अडियो झोर्लेन्यूज नामक फेसबूक पेजबाट सार्वजनिक गरेका थिए । प्रहरीको अनुसन्धानका क्रममा थापाले नै उक्त फेसबूक पेज चलाउने गरेको भेटिएको थियो ।