आफै अफ्ठेरो स्थितिमा हुँदाहुँदै कोरोना संक्रमण रोक्न इटलीलाई चीनले पठायो ठुलो सहयोग

यूरोपमा महामारीको रुपमा फैलँदै गरेको कोरोना भाइरस नियन्त्रणका लागि चीनले इटलीलाई मास्क लगायत मेडिकल सामग्री पठाएको छ ।

चीनले यस्ता सामग्री भरेर पठाएको जहाज इटली पुगिसकेको बताइएको छ । चीनबाट सुरु भएको कोरोना भाइरसको संक्रमणले सिंगो विश्वभर महामारीको रुप लिइसकेको छ । यद्यपि चीनले अब संक्रमणको उत्कर्ष रोकिएको जनाएको छ ।

तर इटली चीनपछि बढी कोरोना प्रभावित देशको रुपमा चिनिएको छ । जहाँ करोडौं मानिसलाई सरकारले आइसोलेसनमा बस्न आग्रह गरेको छ । बिहीबार चीनले स्वास्थ्य सामग्रीसँगै ९ सदस्यीय स्वास्थ्य टोली समेत पठाएको छ । उनीहरुले चिनियाँ रेडक्रसको सहायतामा ३० टन उपकरण तथा स्वास्थ्य सामग्री इटली लगेका हुन् ।

त्यस्तै वेलायत सरकारले ७० वर्षभन्दा बढी उमेरका नागरिकहरुलाई आगामी चार महिनासम्म घर बाहिर ननिस्कन आग्रह गरेको छ। जेष्ठ नागरिकहरुमा कोरोना भाइरस (काेभिड–१९) को जोखिम बढी रहेको भन्दै सरकारले सम्भावित घर वा केयर होममा सेल्फ क्वारेन्टाइनमा रहन आग्रह गरेको हो।

वेलायतमा कोरोनाको संक्रमणबाट ज्या’न गुमाउनेको संख्या दुई दिनमै दोब्बरले बढेपछि सरकारले यस्ता निर्णय गरेको वेलायती सञ्चार माध्यमले जनाएका छन्।

बेलायतमा शनिबार मात्रै १० जनाले कारोना भाइरसको संक्रमणबाट ज्या’न गु’माएका थिए। हाल बेलायतमा कोरोनाबाट ज्या’न गु’माउनेको संख्या २१ पुगेको छ भने १ हजार १ सय ४० जना कोरोनाबाट संक्रमित बनेका छन्।

चीनको वुहानबाट सुरु भएको कोरोना भाइरसको प्रकोपले यतिबेला विश्वव्यापी महामारीको रुप लिएको छ। जसबाट संसारभर ५ हजार ८ सयभन्दा बढीको निधन भएको छ भने १ लाख ५७ हजारभन्दा बढी यसबाट संक्रमित भएको पुष्टि भएको छ।

पछिल्लो समय चीनमा कोरोनाको प्रभाव कम हुँदै गएको भएपनि युरोपमा भने भयावह रुपमा कोरोना फैलिरहेको छ।