News

आज (बुधबार) पनि घट्यो सुनको भाउ, चाँदी पनि खस्कियो

काठमाडौँ । साताको चौँथो दिन अर्थात बुधबार (आज) नेपाली बजारमा सुनको भाउ अझै ओरालो लागेको छ ।

हिजो मंगलबार ४ सय रुपैयाँले घटेको सुनको भाउ आज पनि प्रतितोला २ सय रुपैयाँले घटेको नेपाल सुनचाँदी व्यवसायी महासंघले जनाएको छ।

महासंघका अनुसार, आज छापावाल सुन प्रतितोला ९१ हजार रुपैयाँमा कारोबार भइरहेको छ। छापावाल सुन मंगलबार ९१ हजार २ सय रुपैयाँमा कारोबार भएको थियो।

त्यस्तै, आज तेजावी सुनको भाउ पनि घटेको छ । आज तेजावी सुन प्रतितोला ९० हजार ५ सय रुपैयाँमा कारोबार भइरहेको छ। मंगलबार तेजावी सुन ९० हजार ७ सय रुपैयाँमा कारोबार भएको थियो ।

यस्तै, आज सुनको भाउसँगै चाँदीको भाउ पनि ओरालो लागेको छ । आज चाँदी प्रतितोला १ हजार १९५ रुपैयाँमा कारोबार भइरहेको छ। चाँदी मंगलबार १ हजार २०५ रुपैयाँमा कारोबार भएको थियो।
समग्रमा यो साता सुनको भाउ ओरालो लागिरहेको छ ।

लामो समयदेखिको कोरोना भाइरस (कोभिड–१९) महामारी र लकडाउनसँगै ह्वात्तै बढेको सुन चाँदीको मूल्यमा पछिल्लो समय केही घट्बढ् हुने गरेको छ। सुनको भाउमा केही घटबढ भएपनि बजारमा भने किनबेच हुन छाडेको महासंघले जनाएको छ।

Related Articles

Back to top button