News

हात हेरेर भविष्य बताउने टोखाका ज्योतिषलाई नै कोरोना लागेपछि…

काठमाडौं, १२ जेठ । ज्योतिषहरुले अरुको हातका रेखा हेरेर भविष्य बताउन सक्ने दावी गर्छन । तर विश्वभर फैलिएको कोरोनाले भने कसैलाई छोडेको छैन । विश्वका प्रतिष्ठित ब्यक्तिहरु कोरोना संक्रमित भएका छन् । यस्तोमा नेपालमा भने अर्काको हात हेरेर भविष्य बताउने एक ज्योतिषमा पनि कोरोना पुष्टि भएको छ ।

स्वास्थ्य मन्त्रालयले सोमवार विज्ञप्ती मार्फत कोरोना भएको पुष्टि गरेको ७२ जना मध्य एक जना ज्योतिष पनि भएको बुझिएको छ । उनी टोखाका हुन् । स्वास्थ्य मन्त्रालयले टोखामा २ जनामा सोमवार कोरोना पुष्टि भएको जनाएको थियो । जसमध्य एक जना किराना पसल संचालन गर्ने बुझिएको छ । विश्व महामारीका रुपमा फैलिएको कोरोना भाइरस (कोभिड–१९) को संक्रमण नेपालमा पनि बढ्दो छ ।

सुरक्षाकर्मी, स्वास्थ्यकर्मी, पत्रकारलगायतलाई पनि संक्रमण भएको यो भाइरस विभिन्न पेशा र व्यावसयामा संलग्नलाई नै लागिरहेको छ । सोमवार नै पहिलो पटक एक नेकपाका नेतामा कोरोना पुष्टि भएको छ ।सोमवार ककनी स्थित एक स्थानिय ब्यक्तिलाई कोरोना पुष्टि भएको थियो । उनी नेकपाका नेता भएको खुलेको हो ।

धेरै भन्दा धेरै मान्छेसँग संम्पर्क हुनेलाई चाँडो संक्रमण देखिने कोरोना भाइरस काठमाडौं टोखा नगरपालिका–३ धनेश्वरका एक जना ज्योतिषमा पनि पुष्टि भएको हो ।

‘अरुको हात हेरेर भाग्य र भविष्य अनि रोग व्यवाधानको विषयमा हेर्ने मानिसलाई नै कोरोनाले छोएको भन्दै स्थानियले टिप्पणी गरेका छन् । धेरै मानिसको सम्पर्कमा रहने ज्योतिषलाई कोरोना पुष्टि भएपछि उनीसंगको सम्पर्कमा रहेकाहरुको खोजि थालिएको छ । उनलाई संक्रमण कसरी भयो भन्ने विषयमा मात्र होइन, उनले कति जनासँग सम्पर्क गरे त्यसबीचमा भन्ने पनि ‘ट्रेसिङ’ गर्न थालिएको छ । हाल उनलाई आइसोलेशनमा राखेर उपचार गराउन थालिएको छ ।

Related Articles

Back to top button
Close