News

बैशाख २६ गते रौतहटबाट आएका आज काठमाडौंमा भेटिएका कोरोना संक्रमित

मंगलबार काठमाडौंमा तीन जना कोरोनाभाइरसका संक्रमित थपिएका छन्। तीमध्ये १ जना सिनामंगलको कालीमाटी डोलका रहेको बुझिएको छ।

काठमाडौं-९ का वडाध्यक्ष रामकृष्ण जयखु श्रेष्ठले ती युवा उक्त टोलका स्थानीय भने नभएको बताए।

काठमाडौं आएपछि उनी आफैं टेकु गएर कोरोनाको परीक्षण गराएका थिए।

परीक्षणमा उनलाई कोरोनाभाइरसको संक्रमण देखिएपछि सोमबार नै एम्बुलेन्समा राखेर अस्पताल लगिएको वडाध्यक्ष श्रेष्ठले जानकारी दिए।

ती युवामा कोरोना देखिएपछि उनकी श्रीमती र छोरीहरूसहित उक्त घरमा बस्ने ९ जनामा आरडिटी परीक्षण गरिएको र उनीहरू सबैको रिपोर्ट नेगेटिभ आएको छ।

‘पिसिआर परीक्षणका लागि पनि स्वाब पठाएका छौं। त्यसको रिपोर्ट नआउन्जेल उक्त टोल सिल गरिएको छ,’ वडाध्यक्ष श्रेष्ठले भने।

काठमाडौंमा आजै थपिएका अर्का संक्रमित भने बागबजारको छापाखानामा काम गर्ने व्यक्ति भएको खुलेको छ।

कोरोना भाइरसबाट नेपालमा संक्रमित हुने व्यक्तिको संख्या ४०२ पुग्दा यो भाइरस ३८ जिल्लामा फैलिएको छ । मंगलबार स्वास्थ्य तथा जनसंख्या मन्त्रालयका प्रवक्ता विकास देवकोटाले ३६ जिल्लामा संक्रमण फैलिएको बताएपनि संक्रमण ३८ जिल्लामा फैलिएको हो ।

Related Articles

Back to top button
Close