News

बेहुलाबेहुलीमै कोरोना संक्रमण फेला परेपछि गाउँमा खैलाबैला, पुरै गाउँ त्रशित

नयाँदिल्ली – नेपालमा भन्दा एक दिन ढिलो गरी भारतमा लागू लकडाउन जारी नै छ । यस्तो बेलामा यूपीको आजमगढका एक नवदम्पत्ति विवाहपछि राजस्थान पुगे । राजस्थानमा यी नवदम्पत्तिको स्वास्थ्य जाँच भयो, तब थाहा भए दुवै दम्पत्ति कोरोना संक्रमित पो रहेछन् ।

यसपछि राजस्थानकै अस्पतालमा यो दम्पत्तिको उपचार भइरहेको छ । तर, अजमगढमा जहाँ उनीहरुको विवाह भएको थियो, त्यहाँ खैलबैला मच्चिएको छ ।

प्रहरीका अनुसार यो घटना आजमगढको छतरपुर ग्रामसभाको हो । स्थानीय प्रशासनले पूरै गाउँलाई शिल गरेको छ र सो क्षेत्रलाई स्यानिटाइज गरिएको छ।

आजमगढका सिटी एसपी पंकज पाण्डेलाई उद्धृत गर्दै समाचारमा भनिएअनुसार अप्रील १४ मा यो गाउँमा बेहुलाबेहुली पहिला गाजीपुर गएका थिए र त्यहाँबाट कारको माध्यमबाट राजस्थान पुगे । यही गरिएको टेस्टमा उनीहरु दुवैमा कोरोना पोजिटिभ देखियो ।

दुलही छतरपुर गाउँकी बासिन्दा हुन् । प्रहरीले बेहुलीका सबै परिवारलाई क्वारेन्टाइनमा बस्न निर्देशन दिएको छ । – एजेन्सी

Related Articles

Back to top button
Close