Friday, May 20

एमाले कुहिएको गानाउने फर्सी हो, छोएपनि रोग लाग्छ : माधव नेपाल

May 5, 2022 261

भरतपुर । नेकपा एकीकृत समाजवादीका अध्यक्ष माधवकुमार नेपालले नेकपा एमालेलाई ‘कुहिएको फर्सी’ को संज्ञा दिएका छन् ।

भरतपुरमा गठबन्धनको सभालाई सम्बोधन गर्दै नेपालले एमाले र केपी ओलीका कुरा विश्वास गरे दुःख पाइने टिप्पणी गरे ।

‘एमाले कुहिएको फर्सी हो, त्यसको काम छैन । कुहिएको फर्सी छुनुभयो, खानुभयो भनेपनि रोगव्याधी लाग्छ’, नेपालले भने ।

उनले केपी शर्मा ओलीको वर्णन हजार जिब्रो भएको शेषनागले पनि गर्न नसक्ने बताए ।

‘केपी ओली त बयलगाडा दर्शनका प्रवर्तक हुन् । महागफाडी हुन् । गफमा उनले विद्यावारिधी हासिल गरेका छन् । झूठको पुलिन्दा बनाउनसक्छन् । भ्रमको खेती गर्नसक्छन् । होस् गर्नुहोला, ख्याल गर्नुहोला । ओलीका कुरा हतारमा पत्यायो भने फुर्सदमा पछुताउनुपर्छ’, नेपालले भने ।

चुनावी गठबन्धन राष्ट्रिय आवश्यकता बनिसकेको बताउँदै नेपालले भरतपुरमा रेनु दाहाल विकासप्रेमी मेयरको रुपमा स्थापित भइसकेको बताए ।

Comment