Friday, May 20

मलेसिया रोजगारको डिमाण्ड : कहिले र कहाँ ? हेर्नुस् बिस्तृतमा !

May 2, 2022 187

बिभिन्न कारण साढे तीन बर्षदेखि बन्द रहेको मलेसिया रोजगारको मागपत्र प्रमाणीकरणको कार्य सूचारू गर्ने तयारी भईरहेको मलेसिया स्थित नेपाली दुतावासले जनाएको छ ।

मलेसियाले आगामी जनवरी २८ देखि विदेशी कामदार भर्ना प्रक्रिया शुरूवात गर्ने निर्णय गरिसकेको छ ।

मलेसियाले विदेशी कामदार लिने निर्णय गरे पनि कामदारले पाउने तलब भने पुरानै कायम हुने दुतावासले जनाएको छ ।

त्यहाँको सरकारले सन् २०२० को जनवरीदेखि स्थान अनुसार १ हजार २ सय र १ हजार १ सय रिङ्गेट न्युनतम तलब तोकेको छ । मलेसिया दुतावासले नेपालीहरुलाई सुचना दिने उदेश्यले नियमित फेसबुक पेजबाट कार्यक्रम सञ्चालन गर्दै आएको छ ।

यसै कार्यक्रम मार्फत श्रम सहचारी प्रकाश पन्थीले तलब बढेकोबारे कुनै जानकारी नआएको बताएका छन् ।

पन्थीका अनुसार मलेसियाले तलब वृद्धिबारे केही जानकारी नआएको बताए । उनले दूतावास नयाँ कामदारको मागपत्र प्रमाणिकरण गर्ने तयारीमा रहेको समेत बताए ।

मलेसियाका कामदारको तलब बढ्नुपर्नेमा चौतर्फी आवाज उठेको छ । मलेसियाले कामदार आपूर्ति गर्ने देशहरुसँग गरेको द्विपक्षीय सम्झौता अनुसार आप्रवासी मजदूर र मलेसियाका कामदारहरु बीच न्यूनतम तलबमा भिन्नता नगर्ने सहमति गरेको छ ।

नेपाली सुरक्षागार्डको तलब ३ हजार रिंगेट बनाउन श्रम रोजगार मन्त्री श्रेष्ठको प्रस्ताव !

मलेसियाको भ्रमणमा रहका श्रम, रोजगार तथा सामाजिक सुरक्षामन्त्री कृष्णकुमार श्रेष्ठ उच्चस्तरीय भेटवार्तामा व्यस्त छन्। शनिबार मन्त्री श्रेष्ठले मलेसियाका गृहमन्त्री हमजाह वीन जैनुदिनसँग द्विपक्षीय भेटवार्ता गरे।

पुत्रजयास्थीत गृहमन्त्रालयमा भएको भेटवार्तामा उनीहरुबीच नेपाल– मलेसिया सम्बन्धका साथै द्विपक्षीय हित र साझा चासोका विविध विषयमा कुराकानी भएको छ।

मन्त्री श्रेष्ठले मलेसियामा रहेका नेपाली सुरक्षागार्ड सहित अन्य श्रमिकको सेवा सुविधा र अधिकारको बिषयमा गृहमन्त्री जैनुदिनसँग छलफल भएको बताए।

श्रेष्ठले नेपाली सुरक्षागार्डको मासिक तलब ३ हजार मलेसियन रिंगेट हुनुपर्ने प्रस्ताव गरेका छन्। नेपाली कामदार मेहनति र इमान्दार हुने चर्चा गर्दै गृहमन्त्री जैनुदिनले गोर्खा गार्ड्सका रूपमा मलेसियामा नेपालीहरूको राम्रो प्रभाव रहेको बताएका थिए।

नेपाली युवाहरूलाई सीपयुक्त बनाइ थप रोजगारीका अवसरहरू प्रदान गर्ने, शुन्य लागतको सिद्धान्तलाई प्रभावकारी बनाउने, स्वास्थ्य, सामाजिक सुरक्षा, चौबिसै घण्टा प्रभावकारी हुने वीमा सुविधाको व्यवस्थाबारे पनि उनीहरुबीच छलफल भएको थियो।

नेपालमा सुरक्षा गार्ड सम्वन्धि तालिमको व्यवस्था गरी सीपयुक्त बनाउनेबारे समेत उनीहरुबीच छलफल भएको थियो।

Comment