News

कोरोना मुक्त काठमाडौं उपत्यका

काठमाडौं ११ वैशाख / विश्वव्यापी महामारीको रुपमा फैलिएको कोरोना भाइरसँगको लडाईँमा विश्वका थुप्रै देशहरुले लकडाउनको आह्वान गरेका छन् । विभिन्न देशको सरकारले घरबाहिर निस्किन नदिने, सामाजिक दूरी कायम गर्ने, भीडभाड नगर्ने, सेल्फ क्वारेन्टाइन, होम क्वारेन्टाइन र घइरबाट नै अफिसका सम्पुर्ण काम गर्न आग्रह गरेको छ ।

त्यस्तै नेपाल सरकारले पनि चैत ११ गतेबाट घोषणा गरेको लकडाउन आज १ महिना पूरा भएको छ । स्वस्थ्य मन्त्रालयको पछिल्लो जानकारी अनुसार हालसम्म नेपालमा कोरोना संक्रमितको सङ्ख्या ४७ पुगेको छ भने निको भएर घर फर्किनेको सङ्ख्या ९ पुगेको छ ।

आजमात्र बेलायतबाट फर्किएका २ जना कोरोना संक्रमित पाटन अस्पतालबाट डिस्चार्ज भएपछि काठमाडौं उपत्यका कोरोना मुक्त भएको छ । शुक्रराज ट्रपिकल तथा सरुवा रोग अस्पताल टेकुमा उपचाररत फ्रान्सबाट आएकी युवती र धादिङका एक युवा कोरोनालाई जितेर केहिदिन अगाडि मात्र घर फर्केका हुन् ।

अहिले काठमाडौं उपत्यकामा कोरोना संक्रमित बिरामी छैन ।

यो पनि : काठमाडौँको पेप्सीकोलास्थित सनसिटी अपार्टमेन्टमा बस्ने कोरोना संक्रमित आमा छोरा निको भएर घर फर्किएका छन । चैत पहिलो साता बेलायतबाट फर्किएका ८१ वर्षीय आमा र ५८ वर्षीय छोरामा कोरोना संक्रमण देखिएको थियो । त्यस लगत्तै उनीहरुलाई ललितपुरस्थित पाटन अस्पतालमा राखेर उपचार गरिएको थियो ।

पाटन अस्पताल भर्ना भएको १० दिनपछि उनीहरू निको भएर डिस्चार्ज गरिएको स्वास्थ्य तथा जनसंख्या मन्त्रालयले जनाएको छ । उनिहरुसंगै कोरोनालाई जितेर निको हुनेको संख्या ९ पुगेको छ ।

त्यस्तै कोरोना हैरस कोभिड-१९ को थप दुई संक्रमित फेला परेका छन । स्वास्थ्य तथा जनसंख्या मन्त्रालयको नियमित मिडिया ब्रिफिङमा उदपयुरकी ५५ वर्षीया महिला र जनकपुरका १४ वर्षीय किशोरमा संक्रमण देखिएको पुष्टि गरेको हो । यो संगै नेपालमा संक्रमितको सख्या ४७ जना पुगेको छ ।

Related Articles

Back to top button