Friday, May 20

रिसले चुर भएका स्थापित फेरि जँगिदै उठे र भने ‘केशव स्थापित रिसको भाडा हो । नरिसाउनु भन्न पाइन्छ?(भिडियो सहित)

May 1, 2022 270

नेकपा एमालेबाट काठमाडौं महानगरपालिकाको मेयरको उम्मेदवार बनेका केशव स्थापितलाई यौन दुर्व्यवहार सम्बन्धी प्रश्न सोधिएको भन्दै आक्रोशित भएका छन् ।धुम्बाराहीस्थित नेशनल कलेजले बिहीबार आयोजना गरेको एक अन्तरक्रिया कार्यक्रममा स्थापितलाई यौन दुराचार सम्बन्धि प्रश्न गरेपछि उनी आक्रोशित बनेका हुन् ।उनले यो बैनीको फेस त नाइस छ तर थुतुनो भएन भन्दै जवाफ फर्काएका थिए ।स्थापीतले दिएको अभिव्यक्ति यति बेला सामाजिक सञ्जालमा भाइरल नै बनेको छ ।

उम्मेदवारहरूले करिब २ घण्टा आफ्नो बिचार राखे । कार्यक्रमको अन्तिममा त्यहाँ उपस्थित विद्यार्थीहरूले प्रश्न गर्ने चरण थियो । त्यही प्रश्न गर्ने क्रममा भावना राउतले प्रश्न गरिन् । ‘यदि हामी सबैको भोट तपाईँलाई चाहिन्छ भने तपाईँलाई लाग्ने गरेको मी टु आरोपको बारेमा प्रस्ट पारिदिनुस् । हैन यो कुरालाई अहिले नगरौँ भन्न भएन’ उनले स्थापित प्रति प्रश्न तेस्र्याउदै भनिन्, ‘महिला नै तपाईँको अफिसमा ‘सेफ’ छैनन् भने विकासका कुरा नगरिदिनु होला । यो तपाईंलाई सुहाउँदैन ।’

उक्त प्रश्नको जवाफ दिने क्रममा स्थापितले आफूलाई चुनावको बेलामा मात्रै यस्तो आरोप लगाइने गरेको बताए । ती आरोप लगाउने महिला नै अपराधी भएको सम्म भन्न भ्याए । ‘एक जना महिलाले त ती महिलाकै कारण ज्यान गुमाएकी छन् । २५ वर्षसम्म चुप बस्ने चुनाव आएपछि यस्तो कुरा गर्ने’ उनले भने ‘म आरोप नै लगाउँछु सिर्जना जीले पनि मलाई आरोप लगाउनेलाई भेटेकी छन् । फेसबुकमा खोज्नुस् । यो उनीहरूको प्लान हो ।’

उनले महिलाले जथाभावी गर्न हुने मैले औला देखाउन नहुने भन्दै मञ्चबाट बोल्न लागे । ‘प्रमाण चाहिन्छ ।’ उनी आफू बसेको स्थानबाट उठेर भने ‘ उनी किन कोर्ट गइनन् । म च्यालेञ्ज गर्छु । यो स्थानमा वहाँ र मलाई राखौँ । मैले महिला हिसा गरेको हो ?’ ‘म जत्तिको मान्छेलाई आरोप लगाउने । आरोप लगाउन प्रमाण के छ । यु आर नाइस लेडि तर तपाईँको थुतुनो ठिक छैन ।’ उनले भने ।यति भन्दै उनी बसे । तर त्यहाँ उपस्थित सहभागीहरूले भने ‘तपाइको बोली ठिक छैन ।’

यति भनेपछि स्थापितलाई त्यहाँ सहभागी मेयरका उम्मेदवारहरूले आफ्नो स्थानमा बस्नको लागि ताने । उनी बस्न त बसे । उनलाई विवेकशील साझा पार्टीको तर्फबाट महानगरको उम्मेदवारी दिएकी समीक्षा बाँस्कोटाले सम्झाउन प्रयत्न गर्दै थिइन । तर उनी फेरि जङ्गिए । रिसले चुर भएका स्थापित फेरि जँगिदै उठे र भने ‘केशव स्थापित रिसको भाडा हो । नरिसाउनु भन्न पाइन्छ ।’

Comment