International

भारतमा काेराेना : २४ घण्टाभित्र मात्रै झण्डै २ हजार संक्रमित फेला, ३८ जनाकाे मृत्यु

काठमाडाैं, ८ वैशाख । कोरोना भाइरसको संक्रमणले दक्षिणी छिमेकी राष्ट्र भारतको स्थिति पनि भयावह बन्दै गएको छ । भारतमा हरेक दिन मृत्यु हुनेको संख्या र संक्रिमत हुनेको संख्या बढ्दै गएको पाइन्छ ।

भारतमा सोमबार बिहानसम्म कोरोना भाइरसका कारण ५५९ जनाले ज्यान गुमाएका छन् भने १७ हजार ६१५ जना संक्रमित भएका छन् । पछिल्लो २४ घण्टाभित्र मात्रै भारतमा एक हजार ८९३ जना नयाँ संक्रमित थपिएका छन् । आइतबार बिहानसम्म भारतमा कोरोना संक्रमितको संख्या १५ हजार ७२२ थियो ।

त्यस्तै भारतमा पछिल्लाे २४ भित्र ३८ हजानकाे मृत्यु भएकाे छ । आइतबार बिहानसम्म भारतमा कोरोनाबाट मृत्यु हुनेकाे संख्या संख्या ५२१ थियो ।भारतको स्वास्थ्य मन्त्रालयका अनुसार संक्रमितमध्ये २ हजार ८५४ जना उपचारपछि निको भएका छन् । अहिले त्यहाँ १४ हजार २०२ जनामा काेराेना सक्रिय रहेकाे छ ।

काेराेनाको संक्रमण नियन्त्रण तथा रोकथामका लागि भन्दै भारतमा मार्च २४ देखि लगातार लकडाउन गरिएको छ । तर पनि संक्रमणको दर झनै बढ्दै गइरहेकाे पाइन्छ ।स्वास्थ्य मन्त्रालले आइतबार पत्रकार सम्मेलनमार्फत भारतका ७ सय २० जिल्लामध्ये विभिन्न २३ प्रदेशका ५६ जिल्लामा विगत १४ दिनमा संक्रमण नदेखिएको जनाएको छ ।

Related Articles

Back to top button
Close