Saturday, May 21

घट्यो सुन र चाँदीको मूल्य

April 20, 2022 550

नेपाली बजारमा सुन र चाँदीको मूल्य आज घटेको छ ।

नेपाल सुनचाँदी व्यवसायी महासंघकाअनुसार आज छापावाल सुन प्रतितोला १५ सय रुपैयाँले घटेर एक लाख ६ सय रुपैयाँमा कारोबार भइरहेको छ । मंगलबार एक लाख २१ सय रुपैयाँमा कारोबार भएको थियो।

तेजाबी सुनको मूल्य तोलामा एक लाख एक सय रुपैयाँमा कारोबार भइरहेको छ । मंगलबार तेजाबी सुन एक लाख एक हजार ६ सय रुपैयाँमा कारोबार भएको थियो ।

चाँदीको मूल्य भने आज ३५ रुपैयाँले घटेर तोलामा १३ सय ८५ रुपैयाँमा कारोबार भइरहेको महासंघले जनाएको छ । मंगलबार चाँदी १४ सय २० रुपैयाँमा कारोबार भएको थियो ।

पछिल्लो समय सुन विश्वव्यापी रूपमा मूल्य आकासिँदो छ । रुस युक्रेन युद्धका कारण पेट्रोलियम पदार्थको व्यापक वृद्धिका कारण सुनको मूल्य समेत आकासिएको जानकारहरू बताउँछन् । नेपाली बजारमा समेत विश्व बजारको प्रभाव परेर सुनको मूल्य आकासिएको जानकारहरू बताउँछन् ।

Comment